Java e 29-të e Superiores erdhi e mbarë për Egnatian kryesuese që me fitoren minimale ndaj Kukësit rriti në 4 pikë diferencën me Vllazninë e vendit të dytë. Shkodranët, ndërkohë, dolën me vetëm një pikë nga “Loro Boriçi”, në takimin me Laçin.
Tirana u mund nga Teuta në “Air Albania”, që mori pikë të vyera në luftën për mbijetesë.
Egnatia – Kukësi
Egnatia fitoi 1-0 ndaj Kukësit në ndeshjen hapëse të javës së 29 në Superiore. Rrogozhinasit u rikthyen te tre pikët pas plot shtatë ndeshjesh në kampionat pa fitore, teksa triumfi i fundit datonte më 29 janar të këtij viti ndaj Erzenit. Të besuarit e trajnerit Edlir Tetova mposhtën në fushës e tyre verilindorët, teksa u mjaftoi një gol i Zejnullait në minutën e gjashtë të pjesës së parë.
Rrogozhinasit patën shansin për të dyfishuar me anë të Spahiut në minutën e 21, por topi u ndal në traversë.
Në fraksionin e dytë, vendasit menaxhuan më së miri avantazhin dhe ruajtën portën e paprekur me Kukësin që nuk pati forcë për të krijuar rrezikshmëri. Kështu, 90-minutëshi u mbyll me shifrat 1-0 për Egnatian që ngjitet në kuotën e 54 pikëve në vend të parë ndërsa verilindorët mbeten të fundit me 25 pikë.
Vllaznia – Erzeni
Nuk prodhoi fitues sfida mes Vllaznisë dhe Erzenit, që u mbyll në barazim 1-1. Një ndeshje e luftuar deri në fund, por skuadrat u detyruan të ndajnë nga një pikë.
Sfida u vendos nga dy golat e shënuar në pjesën e parë. Kuqeblutë shënuan të parët me Bekim Balajn në minutën e 29-të, por 10 minuta më vonë, ishte Blazevic që vendosi baraspeshën.
Rastet nuk munguan as në pjesën e dytë, por asnjë nga skuadrat nuk e dërgoi dot topin në rrjetë. Ndeshja e dytë pa fitore për Vllazninë, që mbetet në vendin e dytë me 50 pikë, ndërsa Erzeni mban vendin e parafundit me 28 pikë.
Tirana – Teuta
Teuta bindi ndaj Tiranës, teksa mori 3 pikët në fitoren 1-2 në “Air Albania”. Ndeshja e vlefshme për raundin e 29-të të Kategorisë Superiore rezultoi shumë e luftuar, megjithatë “Djemtë e Detit” u treguan më të saktë në goditjen para portës.
Në minutën e 45’ Jazxhi zhbllokoi sfidën dhe bëri që pjesa e parë të mbyllej me rezultatin 0-1.
Ndërsa në fraksionin e dytë ishte Daci ai që gjeti rrugën drejt rrjetës, duke shënuar në minutën e 51’ dhe duke i dhënë siguri ekipit të trajnerit Martini.
Tirana provoi të reagojë dhe në minutën e 90’ Lulaj realizoi dhe ngushtoi diferencën, por në fund ishin miqtë ata që festuan.
Gjithçka u mbyll me rezultatin 1-2 me Tiranën që nuk ia del të ruaj ritmin e javës së shkuar dhe momentalisht renditet në vend të pestë me 39 pikë.
Teuta nga ana tjetër e kthen në trend fitoren ndaj kryeqytetasve,, ndërsa pas Partizanit fiton edhe ndaj Tiranës dhe momentalisht renditet në vend të shtatë me 34 pikë.
Nesër Laçi – Partizani dhe Dinamo – Skënderbeu
Java e 29-të e Superligës do të mbyllet të shtunën me dy ndeshjet e fundit. Takimi i parë i ditës së shtunën do të jetë Laçi – Partizani, që do të luhet duke nisur nga ora 15:00, në stadiumin e Laçit.
Ndërsa takimi Dinamo – Skënderbeu do të zhvillohet në “Niko Dovana” nga ora 18:00.
Discussion about this post