Kjo javë ka nisur më reshje të dendura shiu dhe përmbytje në vendin tonë.
Reshjet me intensitet të larta gjatë mbrëmjes së kaluar në qytetin e Vlorës, kanë shkaktuar përmbytje ne disa rruge kryesore. Situata duket më problematike në zonën e “Albano Romina” ku ka prezencë të madhe të ujit në rrugë. Nën ujë gjendet edhe bulevardi kryesore, Zona e Skelës dhe shumë rrugë të tjera të qytetit. Në disa akse nuk ka qarkullim të automjeteve, ndërkohë që po punohet për kthimin e kësaj situate në normalitet.
Shkak për këtë situatë janë bërë dhe rrjetet e kanalizimeve dhe bllokimi i tubave te shkarkimit. Ndërsa një ditë më parë bashkia kishte paralajmëruar që qyteti do të goditej nga një stuhi e fuqishme.
Ndërkohë që nga fundjava Gjirokastra vijon të jetë e përmbytur, ndërsa gjatë natës situata është përkeqësuar edhe më shumë. Sipas burimeve gjendja paraqitet më keq në tregun e qytetit dhe në bulevardin kryesorë. Ndërsa raportohen dhe dëme materiale në disa qytete të vendit.
Korça është përfshirë gjithashtu nga moti i keq. Gjatë natës janë raportuar erëra dhe shira të fortë, ku përveç rrugëve të përmbytura në qytet ka pasur edhe thyerje pemësh, të cilat kanë dëmtuara makina dhe biznese aty pranë.
Qyteti i Durrësit si çdo herë që bie shi është kthyer në “det”. Rruga kryesore plazh-qendër është bërë pothuajse e pakalueshme për dhe ka krijuar trafik të madh.
Në qytetin e Durrësit situata përsëritet sa herë që bie shi edhe për shkak të pusetave të bllokuara, por ende nuk është vonë dorë nga qeveria.
Situata e rreshjeve në 24 orët e fundit në rrethet Fier paraqitet po njësoj.
Zona e Fratarit që kishte probleme me furnizim me energji elektrike u stabilizua me nderrim izolatoresh. Visoka ka qene 24 ore pa energji elektrike per shkak transformator i djegur por u nderrua e tashne nuk ka probleme
Bashkia Roskovec raporton se ka toka bujqësore të përmbytura apo me dëme në sera bujqesore nuk furnizimi me energji elektrike vazhdon normal.
Bashkia Patos ka gjithashtu toka bujqësore të përmbytura apo me dëme nuk ka
furnizimi me energji elektrike vazhdon normal. Prej 3 ditësh fshati Zhupan, është pa energji elektrikë.
Ndërsa pritet të ketë përmbytje edhe në qytete të tjera, pasi moti parashikohet i keq edhe për këtë javë. Ku priten ulje temperaturash, reshje shiu dhe dëbore.
E.H/ Ghijotina.com/
