Yjet e “Big Brother Vip”, herë pas here marrin mesazhe mbështetjeje përmes dronëve apo me parashuta. Ditën e sotme, ka qenë Iliri që është surprizuar nga një mesazh që i erdhi pikërisht me parashutë. E kjo nuk është hera e parë që merr mbështetje të tillë.
Por kësaj radhe duket se këtë dhuratë ia ka bërë miku i tij, Sabiani, me të cilin krijoi një miqësi të fortë brenda shtëpisë më të famshme në Shqipëri. Kjo për shkak se në të shkruhej: “Ilir, Sabiani, je 100 mijë euroshi im”.
Banorët menjëherë thanë se këtë e ka bërë këngëtari i njohur, tashmë të presim se si do të reagojë ai. Fansat po presin që Sabiani të zbulojë nëse fshihet ai pas kësaj surprize apo jo.
Kujtojmë se këngëtari ka postuar mëngjesin e sotëm një foto me prindërit e balerinit të njohur, ku shfaqen të përqafuar. Gjithashtu kur vajza e Ilirit ishte në Tiranë për të takuar të atin, ai e ka përcjellë atë për në aeroport.
Discussion about this post