Janë arrestuar dy persona të dyshuar për atentatin me armë zjarri në Shkodër.
Burime zyrtare nga policia bëjnë me dije se janë arrestuar Mark Mika 29 vjeç dhe Vinçens Pirolin 34 vjeç, të dy banues në fshatin Zhejë, Kurbin, pasi nuk kanë treguar ngjarjen. Ata do të përballen me akuzën për veprën penale, “Moskallëzimi i krimit” dhe “Veprime që pengojnë zbulimin e së vërtetës”.
Mark Mika dy ditë më parë rreth orës 19:00, ka transportuar nga lagjja Bahçallëk, Shkodër, në Spitalin Rajonal Lezhë, Vinçens Pirolin dhe më pas është larguar, pa njoftuar Policinë.
Ky i fundit aktualisht po merr mjekim në Spitalin e Traumës në Tiranë, nuk ka njoftuar Policinë për ngjarjen dhe ka penguar organet e Policisë për zbardhjen e saj, duke mos deklaruar rrethanat.
Grupi hetimor, nën drejtimin e Prokurorisë së Rrethit Gjyqësor Shkodër, po punon për identifikimin dhe kapjen e autorëve të kësaj ngjarjeje dhe zbardhjen e rrethanave të saj.
Discussion about this post