Debatet mes demokratëve nuk kanë munguar as në mbledhjen e sotme, ku ish kryeministrit Sali Berisha ka akuzuar Enkelejd Alibeajn se në takim përfaqëson Taulant Ballën dhe jo deputetët demokratë.
Berisha i ka thënë po ashtu se Alibeaj është i marrë peng, dhe nuk mund të bëhet në asnjë mënyrë pjesë e procesit për zgjedhjen e presidentit me zarfa.
“Je i përzgjedhur i Taulant Ballës dhe nuk je i përzgjedhur nga Grupi Parlamentar. Edhe Rama s’të përfill. Të mbajnë peng. Nuk ke mandat sepse je i zgjedhur i Taulant Ballës. Ai që ndjehet opozitar i vërtetë nuk mund të imagjinojë kurrë të marrë pjesë në një proces mafioz të zarfave sekrete”, ka thënë Berisha.
Ndërkohë që Alibeaj është përgjigjur se i vetmi peng në PD, është Sali Berisha, që po tenton të marrë pas fatit të tij dhe një pjesë të deputetëve të tjerë.
Alibeaj-Berishës: Peng je ti!
Noka -Alibeajt: Mos i fol ashtu…
Alibeaj: Me fyerje personale mos të vazhdojë.
Në mbledhjen e sotme të grupit parlamentar të PD-së do të diskutohet në lidhje me qëndrimin që do të mbajë kjo forcë politike, sa i takon procesit të zgjedhjes së presidentit të ri të vendit, ku deputetët ndajnë qëndrime të ndryshme.
Discussion about this post