Berisha-Bashës: Ndave paratë e “Toyota Yaris” me Ballën

Ish-kryeministri, Sali Berisha duke folur nga ‘Foltorja’ e Burrelit ka deklaruar se Lulzim Basha është i përfshirë në dosjen e “Toyota Yaris”.

Sipas tij, Basha i ka ndarë paratë me Taulant Ballën dhe është një nga arsyet se pse është kthyer në pengun e Edi Ramës.

“Peng Basha, nëse Edi Rama apo cilido thotë një gjë që qëndron Sali Berisha nuk e mohon kurrë. Është e vërtetë që Rama të ka përmendur ty Toyotën Yaris. Por është e vërtetë që ai e mban peng Bashën me Toyota Yaris. Prandaj peng Basha dil dhe sqaro aferën e Toyeot-ës, ndave apo jo paratë me Taulant Ballën.

Na ngrihet një ditë në parlament dhe thotë se do vijnë Toyotat me 5 milionë euro. I thashë ti nga e di këtë, ma treguan tha. E çuditshmja është se eurot erdhën por nuk u kthyen. Më tha se ndiqeshin me GPS. Çudi i them unë, shumë çudi kjo punë. Tani eurot nuk u kthyen mbrapsht por erdhën direkt në Durrës, 1 milionë e gjysmë më pak. Kanë ardhur disa herë hetuesit belgë dhe fshihet se nuk do t’i takojë se hetohet. Nëse Rama t’i përmend këto atëherë të ka marrë peng” – tha Berisha.