Videoja e Beatrix Ramosajt mbi bullizmin online që i është bërë këto muaj ka ndërgjegjësuar shumë njerëz dhe ka marrë mbështetjen e shumë figurave publike. Mes të tjerëve mbështetje për të ka treguar edhe nëna e artistes shqiptare me famë botërore, Rita Ora, Vera.
Vera, e cila është psikologe me profesion dhe këshilluese e shëndetit mendor ka shpërndarë në rrjetin e saj social Instagram videon e Beatrixës, duke shkruar: “Stop bullizimin, shëndeti mendor ka rëndësi”.
Gjithashtu, përmes një postimi të dytë Beatrix e ka falenderuar për përkrahjen duke thënë se kjo ka shumë rëndësi për të, nëna e yllit shqiptar u shpreh se si popull kemi tradita të forta dhe rini të bukur andaj bullizimi nuk vend tek ne.
“Jemi komb i lashtë, kemi tradita të forta dhe rini të bukur-hajde t’i ndihmojmë njëri-tjetrit! Pavarësisht se kush është në pyetje bullizimi nuk ka vend në vendin tonë”.
Kujtojmë se në videon e shpërndarë në rrjete sociale, Beatrix shprehej se ka qenë pjesë e shoëwbizit që në moshën 15 vjeçare por kurrë nuk është përmendur në skandale a debate online. Këngëtarja thoshte se këto tre muaj ajo, familja e saj dhe njerëzit që e kanë mbështetur kanë rënë ‘pre’ e sulmeve online dhe e bullizimit. Ajo shprehej se kishte vendosur të heshte por ka parë se presioni nuk ka mbaruar andaj vendosi të flasë.
Së fundmi, Beatrix e mbylli videon duke deklaruar se çdo njeri që do e ofendojë apo i prishë imazhin në vijim do përballet me ligjin.
Discussion about this post