Ish-arbitri i FIFA-s Lorenc Jemini ka deklaruar se portieri i Partizanit Alban Hoxha duhej ndëshkuar me kartonin e kuq në duelin ndaj Vllazninsë. Gardiani i kryeqytetasve la zonën e tij dhe hoqi një top të rrezikshëm por duke shkaktuar një faull ndaj Da Silvas sipas Jeminit.
“Për mendimin tim është karton i kuq. Edhe pse duket sikur portieri i Partizanit ka prekur topin, por por po të shikosh ndërhyrjen ku i ka takat e kupton. Ky o është karton i kuq o nuk është fare. VAR-i e la. Ishte mundësi e pastër shënimi goli. Nuk është për ashpërsinë e ndërhyrjes, është për heqjen e mundësisë të shënimit të golit. Nuk është aq agresive”, “Këtu del në plan të dytë a është karton i verdhë apo i kuq, sesa mënyra se si është interpretuar nga VAR-i. Arbitri fillimisht jep faull dhe nuk jep as karton. VAR-i e shikoi për rishikim. Duhet ta kemi të qartë që VAR-i futet vetëm në atë rast kur është karton i kuq flagrant, i padiskutueshëm. Ky ishte më shumë i verdhë se sa i kuq. Po u fut VAR-i në këto ujëra na mori lumi. Po u fut për karton të verdhë. Duhet t’ia lemë në dorë arbitrit”, përfundoi Jemini
