Deputeti i Partisë Demokratike, njëherësh kandidat në primaret e PD-së, Belind Këlliçi, nga Foltorja e Kuvendit deklaroi se është kundër paketës fiskale dhe projekt buxhetit për vitin e ardhshëm pasi sipas tij rëndon qytetarët.
Nga Kuvendi, deputeti demokrat iu përgjigj gjuhës banale të kryeministrit Edi Rama një ditë më parë, duke e konsideruar si kampion të banalitetit.
Lexo edhe: Këlliçi padit dy policët që e dhunuan në protestën e Teatrit: Do shikoni çudira
Këlliçi: Pse anashkalohen propozimet e grupeve të interesit? Pse nuk dëgjohen ekspertët kur thonë që paketa fiskale e propozuar është jofunksionale. Ju i keni gati kartonët, nuk iu interesojnë diskutimet. Kryeministri ditën e djeshme iu drejtua opozitës me banalitet. Kjo shfaqje e djeshme ka një qëllim, transferimin e vëmendjes. Prej vitit 2013 ju e rrëzuat parlamentarizmin shqiptar. kemi sot një kryeministër që është kampioni i banalitetit të vendit. Flet për dyfishim të buxhetit sepse janë dyfishuar çmimet. Pse nuk dyfishohen pagat dhe pensionet. Çmimet do të vazhdojnë të rriten, 3.2% më shumë kurse pensioni juaj qameti do të rritet me 1%. Nuk ndodh në asnjë vend të Ballkanit që të krijohet një paketë e tillë penalitetesh që rëndon në kurriz të qytetarit.
Discussion about this post