U fut me Jet Ski në zonën e pushuesve në Ksamil, gjobitet me 500 mijë lekë dhe i bllokohet mjeti

Një drejtues Jet Ski është ndëshkuar me 500 mijë lekë të rinj gjobë në Ksamil, pasi dyshohet se ka shkelur perimetrin e sigurisë dhe ka hyrë në zonën ku po laheshin pushuesit.

Ngjarja u konstatua gjatë patrullimit të Policisë Kufitare dhe Njësisë Policore Detare në sektorin detar të Ksamilit, në zonën e njohur si “Ishujt e Ksamilit”. Sipas policisë, mjeti lundrues përbënte rrezik për jetën dhe sigurinë e pushuesve. Shërbimet ndërhynë menjëherë për ndalimin e tij dhe, pas procedurave administrative, bënë bllokimin e Jet Skit.

Drejtuesi, shtetasi P. A., u ndëshkua me masën administrative prej 500 mijë lekësh të rinj.

Policia njofton se kontrollet dhe patrullimet përgjatë vijës bregdetare do të vijojnë pa ndërprerje, ndërsa u bën thirrje përdoruesve të mjeteve lundruese të respektojnë perimetrat e sigurisë dhe të mos hyjnë në zonat e përcaktuara për pushuesit.

Njoftimi:

Ksamil/ Shkeli perimetrin e sigurisë me Jet Ski, duke rrezikuar pushuesit, bllokohet mjeti lundrues dhe drejtuesi ndëshkohet me 500 000 lekë gjobë

Policia Kufitare dhe Njësia Policore Detare, monitorim i pandërprerë për garantimin e sigurisë në hapësirën detare.

Gjatë patrullimit në sektorin detar të Ksamilit, në vendin e quajtur “Ishujt e Ksamilit”, shërbimet policore konstatuan një mjet lundrues Jet Ski, i cili kishte shkelur perimetrin e sigurisë dhe ishte futur në zonën ku pushuesit po laheshin, duke rrezikuar jetën dhe sigurinë e tyre.

Menjëherë, shërbimet ndërhynë për ndalimin e mjetit lundrues dhe, në përfundim të veprimeve administrative, e bllokuan atë.

Drejtuesi i mjetit, shtetasi P. A., u ndëshkua me masë administrative prej 500 000 lekësh të rinj.

Kontrollet dhe patrullimet vijojnë të pandërprera përgjatë gjithë vijës bregdetare, me qëllim garantimin e sigurisë së pushuesve dhe zbatimin e rregullave të lundrimit.

Policia e Shtetit apelon sërish ndaj përdoruesve të mjeteve lundruese dhe subjekteve që operojnë me to që të respektojnë perimetrat e sigurisë dhe rregullat e lundrimit, duke mos hyrë në zonat e përcaktuara për pushuesit.