Gjatë kohës që Ilir Shaqiri ka qenë brenda shtëpisë së “Big Brother VIP” sulmet kundrejt tij nuk kanë munguar. Ditën e sotme balerini ka qenë i ftuar në emisionin “Ftesë në 5”, ku ka folur lidhur me të gjithë eksperiencën dhe dinamikat që ka kaluar.
Ndërkohë, një nga temat që është diskutuar ishte dhe thumbimi i Oni Pustinës ndaj balerinit duke thënë se ka qenë gjithmonë “nën hijen e Kledi Kadiut”.
Ilir Shaqiri ka reaguar për herë të parë për këtë deklaratë duke thënë se nuk është dakord me të sepse secili ka objektivat e veta në jetë.
“Më erdhën disa fjalë në vesh. Kledi dhe Iliri kanë qenë ata që e kan çuar suksesin e Shqipërisë në Itali. Nuk jam dakord me deklaratën e tij sepse secili ka objektivat e veta në jetë. Në momentin që realizon këto objektiva nuk ke pse shikon pjatën e tjetrit. Unë realizoj atë që dua te realizoj dhe jam shumë ne rrëgull me veten time.Unë nuk kam patur probleme me Onin që prej kontakteve tona të fundit të asaj kohe dhe nuk kemi patur lidhje. Unë e kam njohur atë për shkak të një kolegu dhe kam mbajtur kujtime të shumta.”
Gjithashtu, Iliri thotë se gazetari Oni Pustina është keqkuptuar lidhur me situatën nga një bisedë që ka bërë para shumë kohësh.
“Ai është keqkuptuar nga një bisedë e imja me Arditin që kam treguar një histori që ka ndodhur me të por pa përmendur emra. Më vjen shumë keq që është keqkuptuar.”
Discussion about this post