“Jetoja mes minjve”, kushte të mjerueshme për shqiptarët që punojnë në Mikonos

Punonjësit sezonalë nga Shqipëria ankohen vazhdimisht për kushtet ekstreme në të cilat detyrohen të jetojnë në Greqi, pasi qiratë në ishuj kanë kosto të larta.

I tillë është rasti i një gruaje, e cila punoi verën e kaluar në ishullin luksoz të Mykonos. Ajo tha për “Mega” se dhoma që kompania i ofroi për të jetuar ishte në gjendje të mjerueshme. Sipas saj, ishte një dhomë bodrum, me mobilje të thërrmuara nga minjtë.

Ajo tha se e kishte të pamundur të jetonte në kushte të tilla, e për rrjedhojë vendosi të jetojë në makinën e saj për tre muaj të tërë. Gruaja tha se lahej në dushet e plazheve në Mykonos dhe se për të zgjidhja më e mirë ishte të flinte ne makinë se sa të jetonte mes minjve.

Paratë që merr një punëtor sezonal nuk janë aspak të mjaftueshme për të siguruar strehimin e tyre. Por akomodimi i ofruar nga kompanitë në shumë raste është i mjerueshëm. Ajo përshkroi vështirësitë dhe rreziqet me të cilat është përballur duke jetuar në makinë.

Operatorët turistikë hasin vështirësi në gjetjen e punonjësve sezonalë, pasi nuk plotësojnë kushtet bazike për të siguruar jetesën e punonjësve.