Një traditë e UEFA Champions League, duket se këtë radhë nuk do zbatohet… përsëri.
Raportohet se, dhe këtë herë, asnjë drekë zyrtare nuk do të organizohet mes Milanit dhe Interit. Klubi kuqezi zakonisht i shmang drekat me çdo kundërshtar. Interi, nga ana tjetër, ka filozofi të kundërt pasi dreka me përfaqësuesit e skuadrës tjetër, para takimit në San Siro, është një rregull.
Këtë herë, në fakt asnjëri prej dy klubeve nuk e ka bërë këtë gjë dhe kanë preferuar të mos mirëpresin asnjërin.
Në ndeshjet e Champions League, tashmë është traditë kjo drekë zyrtare mes drejtuesve të të dyja klubeve të ulen së bashku për të bërë gëzuar dhe për të uruar njëri-tjetrin në prag të ndeshjes.
Sipas mediave italiane thuhet se shkak është bërë mungesa e drekës në ndeshjen e parë, pasi kuqezinjtë nuk e kishin organizuar. Një tjetër arsye supozohet të jetë axhenda e ngarkuar e Cardinales, i cili gjithsesi nuk do të merrte pjesë në drekë.
Mbetet për t’u parë nëse dy presidentët e klubeve të Milanos do të takohen apo jo në tribunë, pasi herën e fundit kjo gjë është shmangur.
Discussion about this post