Rudi Garcia është në prag shkarkimi nga posti i trajnerit të Napolit. Mungesa e vazhdimësisë në rezultatet pozitive dhe atmosfera jo fort e mirë te kampionët e Italisë, po shtyjnë presidetin Aurelio De Laurentiis të ndahet me francezin.
Dhe një nga emrat që përfliten për pankinën e Napolit është Antonio Conte. Tekniku italian qëndron pushim prej muajit mars, kur i dha fund aventurës angleze me Tottenhamin.
Me anë të një postimi në rrjetet sociale, Conte ka konfirmuar dëshirën e tij për të vijuar pushimet. Duke mohuar në këtë mënyrë rikthimin në stol dhe pranimin e ofertës së Napolit.
“Dëgjoj thashetheme këmbëngulëse që më lidhin me klube të rëndësishme, por e riktheksoj se tani për tani dëshiroj të qëndroj pushim dhe të shijoj kohën me familjen time”, shkruan 54-vjeçari nga Lecce.
Ndërkohë, pak më herët Conte tha këto fjalë në lidhje me interesimin e Napolit: “Duhet të tregojmë gjithmonë respekt dhe edukatë, nuk mund të flas më shumë… “
Napoli renditet në vendin e pestë në Serie A me 14 pikë të mbledhura në tetë javët e para. Distanca me Milanin kryesues është 7 pikë.
Discussion about this post