Shqipëria përballet me Çekinë mbrëmjen e së enjtes në një ndeshje deçizive për të dy ekipet në rrugëtimin drejt Euro2024.
Shqipëria ndodhet në vendin e parë në grup me 10 pikë, ndërsa çekët në të dytin me 8 pikë, por me një ndeshje më pak se kuqezinjtë.
Trajnerët e dy ekipeve janë deklaruar optimist, do të hedhin në fushë formacionet më të mira që kanë në dispozicion në kërkim të 3-pikëshit.
E ndërkohë ka nisur edhe një “luftë” deklaratash mes lojtarëve të dy ekipeve, duke ndezur edhe më shumë atmosferën në prag të ndeshjes.
Po çfarë ndodh në “Air Albania” stadiumin me 22 mijë vende?
Mbi çdo ulëse është vendosur nga një plis, duke krijuar kështu një imazh të veçantë , ndërsa kudo spikat ngjyra kuq e zi.
Dekori perfekt i shton edhe më shumë hijeshinë stadiumit.
Tashmë mbetet që kuqezinjtë të japin gjithçka në fushë, ndërsa tifozët do të jenë aleati më i mirë në një ndeshje deçizive.
Euro2024 duket më afër se kurrë dhe me pak fat kuqezinjtë do të mund të jenë pjesë për herë të dytë në histori të kompeticionit më të rëndësishëm pas Kupës së Botës.
Discussion about this post