Jo vetëm Juventusi, edhe tre klube të tjera të Serie A pas Pjanic

Pasi përfundoi huazimin në Turqi në radhët e Besiktas, Miralem Pjanic është rikthyer te Barcelona.

Së fundmi, ishte përfolur edhe për një rikthim të Pjanic te Juventus, ku trajneri Massimilliano Allegri e pret krahëhapur duke qenë se e njeh mirë futbollistin.

Mirëpo, nga Spanja, siç raporton fichajes.net, Pjanic ka si alternativë në Serie A jo vetëm Juventusin, por edhe tre destinacione të tjera.

Fjala është për klube si Fiorentina, Milan dhe Napoli të cilat monitorojnë situatën e mesfushorit.