Andi dhe Jasmina i kanë ndarë rrugët me njëri-tjetrin prej kohësh dhe ndarja nuk ka qenë aspak e lehtë mes tyre. Gjatë një surprize për ditëlindjen e saj, Jasmina tha se Andi ndryshoi shumë pas daljes nga emisioni dhe sipas saj ndikoi fama në këtë pjesë.
“Me kalimin e kohës ndryshoi shumë. Nuk ishin gjërat njësoj pas daljes. Dilnim bashkë, por fjalët ishin të njëjta. Me veprime ishte kundra fjalëve, ndërsa me fjalët ishte ende në dyshim për marrëdhënien. Me veprime tregonte se më donte, ndërsa me fjalë nuk ishte njësoj”, u shpreh Jasmina.
Edhe pse ata nuk janë më bashkë, kjo e fundit duket se vazhdon ende ta vuajë ndarjen. Jasmina vazhdon të bëjë skena xhelozie në publik kundrejt Andit dhe nuk e përmban dot veten.
Në festën e përbashkët të “Për’puthen”, ishte një moment kur në sfond u vendos kënga e Diona Fonës, “Sheqer”, ku Andi ishte model në klip dhe Jasmina nuk e pëlqeu fare këtë vendim të tij.
Në momentin kur po luhej kënga dhe të gjithë po kërcenin, Jasmina shkon pranë DJ-t dhe fik muzikën, duke i lënë të gjithë të habitur e duke i bërë të qeshin me skenën e xhelozisë së saj, siç mund ta shihni në video. Por duket se kjo nuk ka qenë e vetmja skenë xhelozie. Ditën e sotme Shqipja rrëfeu se Jasmina e kishte lagur me shampanjë. Dhe pse do thoni ju?
Shqipja tregoi se gjatë festës së “Për’puthen” ajo ishte duke kërcyer me Andin. Në këtë moment Jasmina është afruar pranë tyre dhe ka lagur Andin me shampanjë nga inati, por duket se me këtë rast është lagur edhe Shqipja. Konkurrentët e tjerë e justifikuan veprimin e Jasminës në një farë mënyre, por ne nuk e dimë ende si mund ta ketë pritur Andi.
