Qeveria dhe drejtësia po bëjnë shumë zhurmë për asgjë. SPAK po del me deklarata të forta se po vë në pranga të korruptuarit në pushtet. Në fakt po merret me ‘peshqit e vegjël” për të mbuluar ata të mëdhenjtë.
I tillë është rasti i Joana Duros, sekretares së Ministrisë së Shëndetësisë, e cila u arrestua ditën e djeshme për marrje ryshfeti. Sipas njoftimit të SPAK, Duro ka marrë 330 mijë lekë (3 milionë lekë të vjetra) për një tender.
Sipas njoftimit të SPAK bëhet fjalë për tenderin me objekt “Lot 1 “Supervizim për rikonstruksionin e disa Qendrave Shëndetësore në qarqet Tiranë e Durrës” dhe fond limit rreth 805,872.23 Lekë që është çelur më 10 Maj, ku fituesi është shpallur me datë 22 maj.
Sikur duket në dokument tenderi i është dhënë firmës “DRICONS”, në pronësi të Vladimir Topit.
Ndërsa 3 ofertat e tjera janë skualifikuar automatikisht në fazën e parë. Pra zyrtarët e tenderit kanë eliminuar konkurrencën. Oferta e firmës fituese kapte vlerën 600 mijë lekë (6 milionë lekë të vjetra). Ndërsa Duro ka përfituar 300 mijë lekë, pra sa gjysma.
Sigurisht në këtë rast kemi të bëjmë me shkelje të ligjit dhe korrupsion. Këto veprime duhen dënuar penalisht. Por dyhen hetuar koncesionet e mëdha që jepen në sektorin e shëndetësisë dhe supertenderët që xhirojnë para tek oligarkët.
Ky nuk është rasti që SPAK të dalë dhe të mburret se po eliminon korrupsionin.
Madje kjo duket më shumë si një lojë që bën SPAK dhe Rama. Sepse ishte ky i fundit që e paralajmëroi këtë arrestim pak ditë më parë.
Pasi në takimin në kuadër të turin e falënderimit që mbajti sot pasdite në Tiranë, Rama tha se një ish-sekretare e përgjithshme është kapur në flagrancë duke marrë lekë.
Rama iu drejtua me “ish”, duke lënë të kuptohej se kishte firmosur dhe shkarkimin e saj.
“Një ish-sekretare e Përgjithshme kapet në flagrancë duke marrë lekë. Si mund të ndodhë kjo? Natyrisht që ana e, si të thuash, ana e pëlqyeshme e kësaj medalje është që kapet një person i cili është i padenjë për të qëndruar në një zyrë shteti dhe unë uroj që të ketë sa më shumë të tilla por ama nuk mund të uroj që sa më shumë të tillë njerëz të bëjnë gjëra të tilla sepse është realisht diçka e rëndë. Mungesa e sensit të patriotizmit, mungesa e sensit të detyrës, mungesa e sensit të etikës në pikën që në një detyrë të rëndësishme të biesh në këtë lloj niveli është realisht e tmerrshme”, deklaroi kryeministri Edi Rama.
Por asnjëherë ai nuk ka thënë një fjalë për tenderët që denoncohen çdo ditë të Erion Veliajt, të Mirlinda Karçanaht, të Ogerta Manastirliut, Emiriana Sakos edhe shumë vartësve të tij. Ata janë “peshqit e mëdhenj’ që duhet të vihen para drejtësisë!
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post