Joana Kushi konsiderohej si një prej volejbollisteve më të mira në Shqipëri teksa pas aventurës mjaft të mirë me Partizanin vijoi karrierën në Turqi tek ekipi i Eskisehir Mihaliçik. 22 vjeçarja është pjesë edhe e kombëtares teksa në një prononcim të dhënë së fundmi ajo tregon eksperiencën në Turqi.
“Mund ta quaj një eksperiencë të bukur, e ndryshme dhe njëkohësisht e vështirë. Është një sfidë interesante për mua, të cilën nuk e kisha provuar më parë.
Niveli i volejbollit shqiptar në ditët e sotme kërkon më shumë vëmendje, pasi në shumë ekipe mungon sistemi zinxhir dhe zëvendësimet e lojtareve janë të vështira, në raste kur kemi dëmtime. Volejbollistet janë me pakicë dhe shpeshherë na është dashur që të plotësohemi me lojtare të huaja, në mënyrë që të arrijmë objektivat si një ekip kampion.
Sigurisht që e kam ndjekur Partizanin, pasi ndryshe nga vitet e tjera, këtë vit Federata Shqiptare e Volejbollit ka futur një risi të madhe, ku ne mund t’i ndjekim të gjitha takimet “live” në “facebook” ose në TV. Të gjitha ndeshjet janë në faqen e federatës dhe mund të shikohen në çdo moment.
Discussion about this post