Pas gati një muaji Kukësi rigjen fitoren. Verilindorët kishin mposhtur Kastriotin me tre gola dhe të njëjtën gjë bënë edhe me Vllazninë, që e mposhtën me rezultatin 3-1. Trajneri Mirel Josa, në emisionin “Gol pas Goli” në Supersport deklaroi:
“E kam thënë edhe më parë se kishim nevojë për pikët, një ose tre. Na vunë në vështirësi në pjesën e parë me Isaevskin. Duhet të dilnim para të ndalnim rivalët. Goli na liroi disi. Efikasitetin e kërkojmë nga lojtarët. Shkuam 2-3 herë përpara. Kishim mundësi për të ndërtuar sulme, por humbëm topin në mesfushë. Kjo na bëri dëm.
Vllaznia na e bëri të vështirë në pjesën e dytë me Cisse dhe Avdiaj, edhe Nya-Vedji po punonte mirë për ata. Duhet të ishim më të qetë. Vllaznina mund të na barazonte. Jam shumë i kënaqur me golin e tretë, pasi ai na dha qetësinë”.
“Nuk e kam menduar që do krijohej kjo situatë, pasi nuk ka Kukësi skuadër që të shkojë në këtë pikë. Futbolli është edhe fat, pasi Vllaznia na vuri në vështirësi. Ne do vazhdojmë përpara, lojtarët kanë edhe detyra individuale. Ato do na japin mundësinë të vendosim për të ardhmen”.
“Nuk flas për sezonin e ri, duhen folur shumë gjëra. Ka lojtarë, por kishim edhe mungesa. Lulaj nuk ishte, duhet stabilitet. Lojtarët duan të përfaqësohen me klubin. Është shumë shpejt për të folur me të ardhmen”.
“Favorite për titull? Kam bërë gabim kur kam folur për të tjerët, kur s’e kisha marrë drejtimin e Kukësit. Vllaznia nuk e konsideroja. Partizani dhe Teuta do i ndajnë gjërat bashkë”.
