Kryetari i Partisë së Re Demokratike të Serbisë (DSS) Millosh Jovanoviç ka deklaruar se Aleksandar Vuçiç është kërcënimi më i madh për mbrojtjen e interesave kombëtare të Serbisë dhe popullit serb.
“Ai është një kërcënim i drejtpërdrejtë, një faktor jostabiliteti, një njeri që cenon”, ka thënë Jovanoviç për televizionin serb “TV Nova”.
Ai ka vlerësuar se Vuçiç dhe regjimi i tij absolutisht e kanë dorëzuar Kosovën në 12 vitet e fundit dhe se masat dhe kërkesat e fundit të paraqitura janë gënjeshtra, sharlatanizëm i rendit të parë dhe hedhje pluhuri në sy.
“Ajo që po ndodh muajt e fundit në veri të Kosovës është pasojë e drejtpërdrejtë e pranimit të marrëveshjes franko-gjermane”, ka thënë Jovanoviç dhe ka shtuar se pas këtij pranimi më nuk mund të bëhet fjalë për ndërmarrjen e çfarëdo lloj mase.
Discussion about this post