Kryeministri Edi Rama nuk është kursyer me ofendime ndaj opozitës në Kuvend teksa i etiketoi ata të pa fe dhe pa atdhe, dhe deklaroi se janë “bisht i Sali Berishës dhe se janë rrahur që kur kanë qenë këlyshë”.
Teksa foli për çmimin e energjisë, Rama shfrytëzoi shumicën e kohës për të sulmuar opozitën me një gjuhë denigruese dhe aspak korrekte për një kryeministër.
“Ne do ta mbrojmë me çdo çmimi çmimin e energjisë elektrike, për familjet dhe bizneset. Ju që bëni shërbimin tuaj ndaj të keqes, ndaj pafytyrësisë, ndaj mungesës së çdo feje dhe atdheu dhe që patjetër do vazhdoni t’i thoni shqiptarëve të gjitha të zezat, sepse në këtë rrugë keni hyrë që të vegjël dhe ju kanë rrahur që këlyshë edhe prandaj nuk kuptoni tani që jeni rritur që nuk jeni gjë tjetër përveçse një zgjatim. Jeni një bisht i asaj krijesës non grata që edhe pse nuk e keni në krye e keni në kokë brenda, do vazhdoni të tregoni si të tjerët bëjnë atë e bëjnë këtë. Në këtë buxhet janë 50 mld që shkojnë vetëm për të mbrojtur njerëzit nga goditjet e kësaj lufte. Kështu që në çdo faturë, edhe në ato tuajat, duhet që sa herë ti merreni të falënderoni qeverinë që ju mbron edhe juve, ju mbron familjet tuaja dhe prindërit tuaj. Ju keni dalë duarsh dhe jeni turp i tyre sa herë hapni gojën këtu, sepse në atë faturë deri në 80% e paguan buxheti i shtetit. Për këtë është qeveria që buxhetin e shtetit ta vërë në dispozicion të vendit dhe të njerëzve”, theksoi kryeministri.
Lexo edhe: “Pusho o gjel deti”, Rama shfrenon gjuhën në Kuvend: Do hyni e dilni si kastravec
Discussion about this post