Protestës kundër rritjes së çmimeve për produktet e shportës dhe naftës iu janë bashkuar edhe studentët e Korçës. Sipas burimeve, studentët e universitetit të Korçës ‘Fan S. Noli’ bojkotuan ditën e sotme mësimin, si shenjë revolte kundër rritjes së çmimeve.
Ata janë shprehur për mediat se kjo do të jetë rezistenca e tyre ndaj rritjes së çmimeve, ndërsa shihen të marshojnë drejt Fakultetit të Bujqësisë, teksa mësimi është pezulluar.
“Ju rrisni çmimet, ne rezistencën, mos të bëhet heshtja jonë gazi i botës”, shprehen studentët e revoltuar.
Nuk dihet nëse bojkotimi i mësimit do të zgjasë dhe javën që vjen, por protesta pritet të ketë sërish. Sot do të mbahet protesta e tretë para Kryeministrisë për uljen e çmimeve, pasi jetesa është bërë e papërballueshme nga shumica dërrmuese e qytetarëve.
Discussion about this post