Një fitim i detyrueshëm prej 160 milionë eurosh, e vetëm atëherë Juventusi do të jetë në gjendje të mendojë vërtet për lëvizjet e ardhshme. Ndër misionet (e pa)mundshme të drejtorit të ri sportiv, Cristiano Giuntoli, është edhe ky: të arkëtojë 90 milionë për serbin Dushan Vlahoviç dhe 70 për Federico Chiesën. Vetëm atëherë ai do të lejohej të galoponte kompetencën e tij. Dhe ndërkohë, duhet të vendoset fati i Arthur, McKennie dhe Zakaria.
Dy situata që kanë shumë ngjashmëri dhe po aq dallime. Dushan Vlahoviç asnjëherë nuk ka folur kohët e fundit për të ardhmen e tij. Në vend të tij, këtë gjë, e bëri trajneri i tij personal Uros Domazet, i cili e ndihmoi të punonte gjatë pushimeve në Serbi:
“Këtë vit do të shënojë tridhjetë gola”. Po, por nuk dihet se me cilën uniformë. Orët e fundit kanë sjellë disa të dhëna për një interesim të Paris Saint Germain nga Franca.
Sipas gazetës Le Parisien, serbi është bërë një objektiv i ndjeshëm pas refuzimit të De Laurentiis për të shitur Osimhen drejt PSG (“Për Osimhen duhen rreth dyqind milionë euro”), edhe nëse për momentin nuk është regjistruar asnjë ofertë zyrtare te Juve. Kishte pasur një sondazh të Bayernit menjëherë pas përfundimit të kampionatit, përpara se bavarezët të shkonin “all-in” për Harry Kane. Më pas disa ndërmjetës ia kishin propozuar Chelseat-it, duke marrë reagime të vakëta. Por disa sinjale më vendimtare mund të vijnë së shpejti nga Paris Saint Germain.
Çmimi i Vlahoviçit është vendosur në 90 milionë, edhe nëse, siç ndodh gjithmonë në këto raste, Giuntoli tashmë e di se mund të negociojë, por vetëm deri në 80, asgjë më pak. Pavarësisht se një dëmtim në sezonin e kaluar e kushëtzoi serbin, Vlahoviç vazhdon të jetë një sulmues me potencial të jashtëzakonshëm, ndoshta, thjesht ai ka qëlluar në ekipin e gabuar në kohën e gabuar.
Kujtojmë se në janar të 2022, serbi u pagua 70 milionë plus 10 bonuse dhe që atëherë ka kaluar vetëm një vit e gjysmë, ndaj për të bërë një fitim kapital, edhe pse jo të ekzagjeruar, çmimi nuk mund të shkojë nën 80 milionë. Pastaj është çështja e rrogës: Vlahoviç fiton 7 milionë në sezon, si Rabiot, 1 milion më pak se më i paguari, Pogba. Mes shumë detyrave që i janë besuar Giuntolit është edhe ajo e uljes së shumës së pagave dhe 7 milionë neto (14 bruto) përfaqësojnë një ulje të konsiderueshme.
Megjithatë dukej si një punë e madhe, Vlahovic ashtu si Chiesa, megjithatë sot ai që mburret me këto dy goditje është presidenti i Fiorentinës, Rocco Commisso: “Nëse i shikoj paraqitjet e Vlahoviçit dhe Chiesës dhe i krahasoj me ato të Cabral dhe Joviç, mund të themi se kemi bërë një marrëveshje të mirë. Numrat nuk gënjejnë. Cabral dhe Joviç së bashku kanë shënuar më shumë gola se ata”.
Asnjëherë nuk mund të jesh i sigurt për performancën e një lojtari. Shumë varet nga mënyra e lojës së skuadrës, e cila ndoshta nuk e favorizon Vlahoviçin kur flitet për Juventusin. Më pas janë marrëdhëniet me trajnerët dhe në rastin tjetër për t’u analizuar, ai i Chiesës, ndoshta problemi qëndron pikërisht aty.
Marrëdhënia Chiesa-Allegri nuk lindi kurrë. Përtej deklaratave zyrtare, kompleksiteti i marrëdhënies është i njohur dhe shkëlqen me përpikëri të pabesueshme në çdo rast.
Giuntoli e ka vendosur çmimin në 70 milionë, edhe në këtë rast i diskutueshëm deri në 60. Dhe gjithashtu në këtë rast orët e fundit kanë sjellë disa sinjale, që vijnë nga Liverpooli, një klub që mund të heqë dorë nga Momo Salah.
Në javët e fundit Juve kishte marrë një ofertë konkrete prej 60 milionësh nga Aston Villa, të cilën lojtari e kishte refuzuar me mirësjellje, duke bërë të ditur se ai do të pranonte përfundimisht vetëm një nga klubet më të mira të Premier. Një kategori në të cilën bie Liverpool, pavarësisht se nuk është kualifikuar në Ligën e Kampionëve.
Por më pas do të duhet të merremi me vullnetin e lojtarit, i cili nuk është aq i bindur për momentin se zgjidhja më e mirë është largimi nga Juve.
Discussion about this post