Juve barazon në fund, Mourinho fiton ndaj nxënësit të tij

në Sport

Kohë leximi: 1 min

Janë mbyllur ndeshjet e vajtjes të fazave gjysmëfinale të UEFA Europa League dhe Conference League.

Juventus ka treguar përsëri se nuk dorëzohet lehtë, duke barazuar në frymën e fundit përballë Sevillas, ekspertët e UEFA Europa League.

Të kuqtë kaluan fillimisht në avantazh falë bomberit En Nesiri, i cili realizoi në minutën e 26’ nga brenda zonës së Juventusit.

Djemtë e Allegrit kërkuan me të gjitha forcat barazimin gjatë pjesës së dytë të takimit por, Sevilla arriti të mbrohej nga sulmet bardhezi deri në minutën e 97’, kur qendërmbrojtësi Gatti, barazoi shifrat duke goditur saktë me kokë. Gjithçka do vendoset në ndeshjen e kthimit në Andaluzi.

Ndërkohë në Conference League, West Ham bëri detyrën në raundin e parë, në stadiumin Olimpik të Londrës, duke fituar ndaj holandezëve të AZ Alkmaar.

Italianët e Fiorentinës u mposhtën në “Artemio Franchi” 1-2 ndaj Baselit të Taulant Xhakës.

Sfida “nxënës kundër mësues” mes Romës së Mourinhos dhe Leverkusen të Xabi Alonso përfundoi me rezultatin 1-0.

Ndeshjet e kthimit, do të luhen, të enjten e ardhshme.