Nga ndeshja e ditës së 26-të të Serisë A, fillimisht do të kujtojmë se Adrien Rabiot i lejoi Juventusit të fitonte epërsinë ndaj Sampdorias në Genoa. Autori i dy golave, pjesë e kombëtares së Francës, u vlerësua nga të gjithë dashamirët e ‘Zonjës së Vjetër’.
Një tjetër francez gjithashtu shkëlqeu, por për mungesën e tij. I planifikuar në grupin e bardhezinjve këtë të dielë në mbrëmje, Paul Pogba u zhduk përfundimisht për shkak të një problemi muskulor, gjë që e shtyu trajnerin e tij të shprehte një formë zhgënjimi.
“Këtë mëngjes (të dielën), ai u dëmtua teksa po kryente goditjet e lira. Do të shohim nesër (këtë të hënë) sa i madh është dëmi. Sonte, ai mund të na jepte një ndihmë, por kështu është futbolli. Ai duhet të kthehet në atë që ishte më parë”.
Mungesa e mesfushorit francez nuk i ka shpëtuar as gjigandit mediatik sportiv “Gazzetta dello Sport”.
Të enjten e kaluar, një-herë Kampioni i Botës, me Francën, në 2018, nuk ishte pjesë e listës për ndeshjen e parë 1/8 të Europa League kundër Friburgut (1-0), për shkak të masës disiplinore pas vonesës së lojtarit në grumbullim. I dëmtuar në gjurin e djathtë, i operuar në fillim të shtatorit, kampioni i botës 2018, mesfushori francez, 29 vjeç, deri më tani ka bërë vetëm dy paraqitje në fund të ndeshjes kundër Torinos (4-2), më 28 shkurt dhe AS Roma (0-1) më 5 mars.
Mos ndoshta, Zonja e Vjetër ka humbur durimin tashmë me Pogbanë? Kjo mbetet për t’u parë.
Discussion about this post