Atalanta-Juventus ndajnë pikët në një sfidë që rezultoi shumë e luftuar.
Takimi i javës së shtatë të Serie A u mbyll me porta të paprekura, ndonëse rastet për të shënuar ishin të shumta për të dyja ekipet.
Në pjesën e parë ishin miqtë ata që u shfaqën më kërkues, ndërsa në fraksionin e dytë “ndryshoi kahu i monedhës” me Atalantën që tentoi më shumë, megjithatë asnjëra prej dy skuadrave nuk u tregua mjaftueshëm e saktë në finalizim.
Në minutën e 74′ Muriel i shkoi shumë afër golit, ndërsa mori përsipër goditjen e dënimit, megjithatë topi përfundoi në traversë.
Në fund takimi u mbyll me barazimin 0-0, me Atalantën që pas kësaj ndeshjeje renditet në vend të pestë me 13 pikë, teksa Juventus renditet në vend të katërt me një pikë më shumë.
Discussion about this post