Me shitjen e mundshme të Cristiano Ronaldos tek Manchester United, Juventus do të synojë të ofrojë dy lojtarë në fazën ofensive. Agjenti i famshëm i futbollistëve, Mino Rajola ka biseduar me drejtuesit bardh e zi për një rikthim të mundshëm të Moise Kean në Torino. Sulmuesi është nën kontratë me skuadrën e Everton që është e hapur për diskutime. Mediat italiane raportojnë se bardhezinjtë synojnë edhe firmën me Mauro Ikardin.
Synimi është që argjentinasin ta marrin me huazim nga PSG. Një operacion jo i lehtë për bardhezinjtë, edhe pse francezët e kanë mbipopulluar sulmin. Ikardi kurrë nuk e ka hedhur poshtë rikthimin në Itali teksa Juventusi mbetet skuadra favorite.
