Në Continassa, Juventusi po kryen përgatitjet e fundit në kuadër të ndeshjes së vlefshme për play-offin e Europa League kundër Nantes në Allianz Stadium në orën 21:00. Ndërkohë, ka dy lajme të mira për Massimiliano Allegrin.
Gjendja e mbrojtësit të qendrës Leonardo Bonucci dhe mbrojtësit të krahut Juan Cuadrado është duke u përmirësuar dhe të dy do të grumbullohen për takimin europian. Më në fund, në grup është rikthyer edhe Pogba, por francezi ka ende punë për të bërë, prandaj, pritet të mos jetë pjesë e takimit, përballë bashkatdhetarëve të tij.
Cuadrado humbi ndeshjen kundër Fiorentinës për shkak të një gjendje gripi, por është rikuperuar për ndeshjen e nesërme. Tashmë Bonucci ka rifilluar punën në grup prej ditës së djeshme dhe do të rikthehet në skuadër për ndeshjen ndaj “Kanarinave”. Allegri synon të rreshtohet me formacionin 3-4-2-1 të përdorur kundër Fiorentinës.
Formacioni i mundshëm përfshin Szczesny në portë, Danilo, Bremer dhe Alex Sandro në mbrojtje, Cuadrado, Locatelli, Rabiot dhe Kostic në mesfushë dhe Chiesa, Di Maria dhe Vlahovic në sulm.
Discussion about this post