Juventus këtë fundjavë udhëtoi në transfertë për tu përballur me Bolonjën, në ndeshjen që përfundoi me rezultatin 2-0 në favorin e ‘Zonjës së Vjetër’.
Alvaro Morata e zhbllokoi këtë sfidë me një gol të shpejtë në minutën e 6’, ku shfrytëzoi më së miri asistin e Bernardeschi. Ky gol të ishte vendimtar në rezultatin e pjesës së parë që u mbyll në shifrat 1-0.
Fillimi i pjesës së dytë e gjeti trajnerin Allegri duke ‘rifreskuar’ mesfushën, levizje kjo që rezultoi e suksesshme pasi në minutën e 69’ do të ishte Cuadrao që do të dyfishonte shifrat për juventinët.
Pikët e fituara nga kjo përballje ishin shumë të vlefshme për Juventusin pasi arritën të parakalojnë Fiorentinën në renditje, duke u pozicionuar në vendin e 6 të Seria A në zonën e Kupave të Europës me 31 pikë, po aq sa edhe Roma që ndodhet një pozitë më lartë.
Discussion about this post