Bashkia Tiranë ka hapur garën për një tender mbi 200 milionë lekë, para të cilat do të hidhen për mbrojtjen e Lumit Tërkuzë nga erozioni. Kjo masë duhej marrë që në muajt e verës për t’i paraprirë reshjeve të shiut dhe parandalimin e daljes së lumit nga shtrati, por mesa duket Erion Veliaj ka vendosur që këtë masë ta marrë në mes të dimrit, ku kushtet atmosferike nuk e favorizojnë aspak.
Në dokumentin e publikuar për tenderin me procedurë të hapur, saktësohet se kohëzgjatja e punimeve do të jetë vetëm 19 ditë, duke ngritur dyshime mbi fondin prej rreth 200 milion lekësh që është vënë në dispozicion për ndërtimin e mbrojtjes lumore nga erozioni. Këto para janë pjesë e buxhetit të vitit 2021, që nënkupton se Bashkia Tiranë ka pasur mundësitë e nevojshme për kryerjen e këtyre punimeve gjatë gjithë vitit, por konsumimi i këtij fondi është vendosur pikërisht në fund të vitit, ndonëse punimet që i paraprijnë shkaqeve natyrore duhet të kryhen përpara hyrjes së sezonit dimëror.
Discussion about this post