Është mbyllur me rezultatin 2-1 pjesa e parë e takimit midis Juventus dhe Sampdorias. Bardhezinjtë ndodhen në avantazh teksa ishin edhe të parët që shënuan në këtë fraksion.
Në minutën e 10-ë të lojës Dybala mundi që të kalonte ‘Zonjën e Vjetër’ në avantazh falë një asisti të marrë nga Locatelli.
Takimi vazhdoi me këtë rezultat deri afër fundit të kësaj pjese, kur në minutën 43-ë Bonucci shënoi golin e dytë për Juventus me anë të një penalltie.
Megjithatë kundërpërgjigja e Sampdorias ishte shumë e shpejtë, e cila me anë të Yoshidas shënoi te porta e Juves vetëm një minutë më pas.
Ndeshja mund të cilësohet si një përplasje e fortë nga të dyja anët, teksa pritet pjesa e dytë e cila do të vendosë nëse Juventus do ngrihet në vend të 9-ë me tre pikë apo do vijojë të jetë pjesë e grupit të dytë të klubeve të Seria A./K.T/Gijotina.com
