Rinovimi me Angel Di Marian para së gjithash, pavarësisht se çfarë ndodh në fund të sezonit jashtë fushës.
Juventusi nuk e di ende nëse do të luajë Kupat e Europës në sezonin 2023-24, por janë gati të mos humbasin kohë për të rinovuar kontratën e “El Fideos”, e cila skadon në qershor.
Një vit ekstra, siç është planifikuar, për t’i garantuar Massimiliano Allegrit klasin e 35-vjeçarit kampion bote edhe për kampionatin e ardhshëm.
Fillimi i vitit 2023 i argjentinasit, i cili mbërriti në korrik nga Paris Saint Germain me kosto zero, fshiu çdo lloj dyshimi në Continassa, duke filluar nga ato që lidhen me problemet fizike që e frenuan lojtarin nga Rozario, në fillim të sezonit.
Projekti i Juventusit nuk ndryshon dhe në të ardhmen, “Zonja e Vjetër” synon të jetë gjithnjë e më e re, me lojtarë italianë si dhe e qëndrueshme.
Por liderët dhe kampionët do të nevojiten gjithashtu për të drejtuar talentet nën 25 vjeç.
Discussion about this post