Pyetja se cila do të ishte performanca e Angel Di Maria pas Kupës së Botës e ka shoqëruar atë që nga nënshkrimi i kontratës në verë me Juventusin për vetëm një vit. Mjaftueshëm për të mbërritur në formë për ekspeditën në Katar, që më pas u mbyll në triumf, pa u lidhur më shumë se ç’duhej me bardhezinjtë, duke parë që dëshira ishte për një rikthim në Argjentinë për të mbyllur karrierën.
Shumë nga vlerësimet për performancën e “El Fideo” në pjesën e parë të sezonit ishin të kësaj linje: paraqitje nën pritshmëritë, më shumë për arsye fizike sesa teknike. Shumë shpejt për të vlerësuar, duke parë që muaji i parë pas rikthimit të tij nga Katari si kampion bote ka qënë pozitiv.
Forma e rigjetur e Di Marias, i ndalur edhe në vjeshtë nga një dëmtim në bicepsin femoral, plus, rikthimi nga dëmtimi i Federico Chiesas, krijoi kushtet për të përshpejtuar planin e Juventusit për të rreshtuar treshen sulmuese, e dëshiruar në verë me 4-3-3-shin e testuar në para-sezon para se ngjarjet e ndryshme në lidhje me dëmtimet të ndryshonin strategjitë e Allegrit i cili u detyrua të rreshtojë ekipin me skemën 3-5-2.
Mungesa e Cuadrados dha bëri që kundër Fiorentinës, Juventusi, të luante me 3-4-3, një përpjekje për të bërë kompromis midis ruajtjes së mbrojtjes me tre lojtarë dhe vendosjes së “tre tenorëve” përpara. Ndoshta edhe për këtë arsye, përveç rrjedhës fiziologjike të një solucioni në daljen e parë, testi në terren nuk e lartësoi saktësisht treshen: Vlahovic nuk ishte në qendër të aksionit, por mbi të gjitha Chiesa dhe Di Maria të dy dukeshin më të qetë në të djathtë, ku padyshim ka vend vetëm për një, dhe në fakt ata bënin radhën.
Në fund të fundit, Di Maria po mban një ritëm ndryshe nga fillimi i sezonit. Në vitin 2023 është lojtari që ka marrë pjesë në shumicën e golave të realizuar: dy gola, kundër Napolit dhe Atalantës, dhe dy asistime, kundër zikaltërve dhe ndaj Fiorentinës, pra katër. Fakti që dy golat e tij erdhën kundër kundërshtarëve më të fortë të momenit, ilustron predikimin e “Fideos” për të qenë vendimtar në ndeshje të rëndësishme. Fakti që Juve doli me vetëm një pikë nga ato dy ndeshje tregon se tani Allegri duhet të vendosë një ekip që t’i përshtatet Di Marias, duke filluar me treshen.
Discussion about this post