Transferta e Spezias ka rezultuar më e vështirë nga çfarë ishte menduar në fillim për skuadrën e Juventusit. Bardhezinjtë kaluan të parët në avantazh me Kin por vendasit rikthyen baraspeshën në fraksionin e parë. Në pjesën e dytë ishin sërish vendasit që shënuan duke kaluar në avantazh për herë të parë në këtë përballje.
Trajneri Allegri udhëzoi të tijët të ishin më kërkues dhe bardhezinjtë barazuan falë golit të Kiezës. Pak minuta më pas ishte radha e De Ligt për të lënë gjurmën e tij në këtë përballje duke realizuar golin e tretë për Juventusin. Torinezët po luajnë gjithçka për gjithçka pasi fitorja është detyrim ndaj një skuadre si Spezia.
