Një 34 -vjeçare në Tepelenë ka braktisur burrin dhe dy fëmijët e saj, duke u larguar në drejtim të paditur pa asnjë njoftim. Bëhet me dije se, burri i saj E.M 47 vjeç ka denoncuar sot zhdukjen e gruas, ai ka thënë se para 10 ditësh ajo ka dalë nga shtëpia pa thënë se ku do shkonte dhe nuk është kthyer më.
Ngjarja ka ndodhur në fshatin Progonat, Tepelenë, ku një 34 vjeçare është larguar nga banesa para dhe ka shkëputur kontaktet me të gjithë familjarët e saj. Vetëm brenda kësaj jave në vend janë raportuar 4 të zhdukur. Ndërsa policia tregon se raste të tilla janë shtuar kohët e fundit. Kujtojmë se ditën e djeshme një nënë nga Elbasani denoncoi zhdukjen e vajzës, por që fatmirësisht policia e gjeti atë, e cila ishte larguar bashkë me të dashurin, pasi familja nuk pranonte lidhjen e tyre.
Discussion about this post