Në konferencën ku u prezantua i buxheti i vitit 2022 për Ministrinë e Arsimit, kryeministri Edi Rama nuk i ndali kritikat ndaj drejtuesve të shkollave, që sipas tij janë “out” dhe duhet të largohen nga sistemi arsimor.
“Por në raport me të shkuarën nuk kemi bërë shumë për drejtimin e shkollave. Kemi drejtuese shkollash që nuk e meritojnë të jenë aty. Kemi drejtues shkollash që janë “out” dhe këtu është e qartë për mua, për ministren dhe duhet të jetë e qartë për Drejtorinë që duhet ndërhyrë, në mënyrë që drejtuesit me vlerë të mbështeten, ndërsa ata që nuk e meritojnë. Nuk ka rëndësi çfarë bindje politike ke, apo nga je. Pika më e fortë e sistemit tonë para universitar janë mësuesit, në radhë të parë mësueset, burrat të më falin. Duke filluar nga mësueset duhet t’i japim më shumë motivim, patjetër që do t’i paguajmë çdo vit e më mirë”, tha Rama.
Kreu i qeverisë përsëriti dhe njëherë se vendi i punës duhet të meritohet dhe jo të fitohet sipas kahut politik.
Discussion about this post