Nigeria do me patjetër të fitojë Kupën e Afrikës dhe për këtë ka qenë në kërkim të një trajneri me emër në futbollin europian.
Bëhet fjalë për Jose Mourinho. Presidenti i Federatës Nigeriane të Futbollit, Amaju Pinnick, ka thënë për gazetën “This Nigeria” se ata e kanë kontaktuar “The Special One”.
“Po, sigurisht, e kemi diskutuar me Mourinhon. Biseduam me të, foli edhe ministri ynë i sportit dhe nuk mendoj se ka asgjë të keqe me këtë”, tha ai,
Nigeria u shpreh e gatshme t’i lidhë edhe një kontratë të përkohshme portugezit, vetëm për garën kontinentale, por duket se ai e refuzoi propozimin. Kështu që fokusi u zhvendos tek një tjetër portugez, ai José Peseiro i cili në nivel kombëtar tashmë ka udhëhequr Arabinë Saudite dhe Venezuelën.
Aktualisht Jose Mourinho është në drejtimin e Romës dhe e mbylli vitin në vendin e gjashtë në klasifikim me 32 pikë.
Discussion about this post