Edhe pse askush nuk e priste që fill pas martesës çifti i njohur i estradës Nora dhe Robert Berisha do ndaheshin, gjuetarët e showbizz kanë zbuluar se marrëdhënia e tyre pas divorcit ka qenë shumë e mirë, për faktin se janë prindër të një vajze, Renee.
Ata janë shfaqur bashkë pothuajse në çdo moment, për pushime, për shopping për shëtitje me vajzën, nuk do të çuditeshim nëse Norën do e shikonim edhe tek emisioni i Robertit “Robi plaket kur don vet”. Ftesat e vajzave sexy të estradës, në studion e këngëtarit joshës Robert Berisha nuk kanë munguar asnjëherë. Megjithatë duket se shumë shpejt një ftesë e veçantë do të vijë edhe për ish-bashkëshorten e tij Norën, e cila kryeson në listën e vajzave të joshëse të estradës shqiptare.
Këtë përgjigje e ka dhënë dje Eriona Sejdiu, bashkëprezantuesja e Robertit.
“Nora ndoshta vjen. Ku e din ti?!”, – u shpreh Eriona.
Gjatë një interviste të dhënë më parë, kur u pyet nëse është ribashkuar me Norën, siç përflitej, Roberti tha:
“Ne nuk jemi ndarë asnjëherë. Njeriu ndahet vetëm kur vdes. A ka ribashkim a s’ka ribashkim, ajo mbetet për t’u parë.
Gjatë gjithë kohës që kanë qenë të divorcuar, dyshja ka mbështetur njëri-tjetrin në projektet e reja që kanë sjellë për publikun, si dhe kanë ruajtur marrëdhënie të mira për shkak të Renee, vajzës së tyre.
Discussion about this post