UEFA ka caktuar trupën e arbitrave që do të vendosë drejtësi më 19 nëntor në Tiranë, kur Shqipëria të përballet me Ukrainën. Bëhet fjalë për arbitra portugezë, që kryesohen nga Joao Pinjeiro.
Ky i fundit nuk është një emër i panjohur, pasi gjashtë vite më parë, pikërisht në tetorin e vitit 2018 vendoste drejtësi te ndeshja e Kombëtares U-21 në Tiranë. Shpresat humbisnin me rezultatin 0 me 1 kundër Spanjës U-21 në stadiumin “Selman Stërmasi”.
Asistentët e 36-vjeçarit për të martën do të jenë Bruno Hezus dhe Luçiano Maila. Ndërkohë si arbitër i katërt është vendosur joao Gonçaivesh.
Një sfidë vendimtare ajo mes Shqipërisë dhe Ukrainës, ndërsa paralelisht për grupin B1 në Ligën e Kombeve do të jetë duke u luajtur Çeki-Gjeorgji. Të dyja këto sfida që nisin në orën 20:45.
Discussion about this post