Blogerja e njohur Armina Mevlani festoi 30-vjetorin e lindjes. Ajo organizoi një festë me të gjithë miqtë e saj më të ngushtë, ku nuk munguan as urimet në rrjetet sociale. Por ra në sy mungesa e njërit.
Ajo e partnerit të saj, djalit të ish-kryeministrit të vendit Sali Berisha, Shkëlzenit, i cili për çdo vit i ka dedikuar një urim në rrjete sociale. Po ashtu Berisha nuk është parë në asnjë nga videot e publikuar nga miqtë e Arminës gjatë festës, duke ngritur dyshime në marrëdhënien e çiftit.
Megjithatë ai nuk i ka fshirë nga rrjetet e tij sociale fotot me blogeren, por duket se ka zgjedhur që ta urojë privatisht, edhe pse Armina festoi përvjetor. Mbetet për t’u parë nëse mes çifti ka krisje, apo mungesa e urimit është zgjidhje për të mos qenë pjesë e mediave rozë.
Shkëlzeni, e motra Argita dhe prindërit Sali dhe Lirie Berisha janë shpallur non grata pak kohë më parë nga Departamenti Amerikan i Shtetit. Ndoshta kjo është arsyeja pse ai nuk është më pjesë e rrjeteve sociale.
