Ylli i Anglisë Fabian Delph u akuzua mbrëmjen e djeshme gabimisht si lojtari i pezulluar nga Everton për kryerje të marrëdhënieve seksuale me të mitur.
Me dhjetëra mijëra përdorues të rrjeteve sociale u shprehën se personi i arrestuar nga policia për këtë vepër të rëndë ishte 31-vjeçari Delph.
Këto pretendime erdhën pas bërjes publike të lajmit se klubi i Premier League ka pezulluar një nga lojtarët e tij në pritje të një hetimi policor.
Megjithatë sipas ‘The Sun’ ky lajm nuk është i vërtetë dhe personi i akuzuar për kryerje të marrëdhënieve seksuale me të mitur nuk është Fabian Deph. Ndërsa që nga momenti kur deklaruan se një prej lojtarëve të tyre është nën hetim policor, nga Everton nuk ka patur një reagim tjetër që të lidhet me ngjarjen në fjalë./Gijotina.com
