“Ka ndodhur atentat”, procedohet 15-vjeçari në Vlorë që bëri denoncim të rremë

Një 15-vjeçar është proceduar penalisht nga policia ditën e sotme.

Kjo pasi dy netë më parë ai njoftoi policinë për një atentat në lagjen “Isa Boletini”, ku sipas njoftimit kishte dy persona të plagosur. Më pas rezultoi se ngjarja ishte e trilluar.

Njoftimi i policisë:

Nga specialistët për Hetimin e Krimeve të Komisariatit të Policisë Vlorë u referuan materialet në Prokurori dhe u procedua në gjendje të lirë një 15-vjeçar, pasi më datë 29.09.2022, në mbrëmje, ka bërë njoftim të rremë në numrin e Urgjencës Kombëtare, se në lagjen “Isa Boletini” kishte ndodhur një ngjarje.

Materialet i kaluan Prokurorisë, për veprime të mëtejshme.