Ish-kryeministri Sali Berisha ka pranuar se në qeverinë e tij ka pasur korrupsion, por ai nuk ka qenë kurrë i përfshirë në të. Berisha deklaroi se ai ka hedhur shumë firma si kryeministër i Shqipërisë, por asnjëra prej tyre në kundërshtim me ligjin.
Duke u ndalur tek disa akuza se Berisha ka “pasuruar” biznesmenin Damir Fazlliç, ish-kryeministri tha se do t’i pranonte të gjitha nëse këto vërtetohen.
Berisha: Damian Fazlliç nuk ekziston në Britaninë e Madhe, asnjë lloj akuze dhe penaliteti.
Pyetje: Po Lulzim Basha çfarë penaliteti ka në SHBA?
Berisha: Kush të tha jo, kush të tha që nuk ka. Sigurisht që ka. Është e njohur ajo. Është nisur 3 herë për në SHBA dhe është kthyer në aeroport. Kjo është. Si u kandis ambasadori britanik. Ishte në hije një kundërshtar i përpjekjeve të mia për rivendosjen e kauzës së drejtë në PD. Rama e tha i pari për non-0gratën në Britaninë e Madhe. Letra e dërguar në emër të sekretares, thoshte se ishte në konfidencialitet të plotë, ndërsa Rama ma tha mua. Atij kush ia tha? Është akt korruptiv.
Pyetje: Ka pasur korrupsion në kohën tuaj?
Berisha: Nëse gjendet kund firma ime për një qindarkë të marrë nga buxheti i shtetit, paratë publike, që ka marrë Damir Fazlliç nga fondet dhe pasuritë publike, unë i pranoj të gjitha. Ka zero. Unë kam hedhur firma më shumë se të gjitha firmat e socialistëve në pushtet. Kryeministri ka një department juridik që ka detyrë të shikojë përputhshmërinë me ligjin çdo firmë. Ka një sekretar të përgjithshëm, ka një department kundër korrupsionit. Nëse do që të jetë korrekt, unë kam qenë kryeministri që mund të jenë më shumë se 7000 firma. Ka pasur korrupsion. Ka pasur një luftë kundër korrupsionit.
Discussion about this post