Ka përdorur stadiumin si kolateral për blerjen e Sampdorias, tifozët e Leeds zemërohen me Radrizzanin

Sampdoria është kursyer nga katastrofa absolute nga pronari i Leeds United, Andrea Radrizzani.

Koalicioni Radrizzani-Manfredi e shpëtoi klubin italian nga kthetrat e falimentimit, por vetëm në kurriz të stadiumit të klubit anglez që ka në pronësi Radrizzani.

Sipas The Athletic, stadiumi Elland Road i Leeds United është përdorur si garanci për një hua prej 30 milion € për të ndihmuar në blerjen e Sampdoria nga banka italiane Banca Sistema.

I vendosur në thelb si një kolateral nga Radrizzani, lëvizja ka zemëruar tifozët e Leeds, të cilët ende nuk e kanë përtypur rënien e klubit në nivelin e dytë të futbollit anglez.

Exclusive: Leeds United’s chairman Andrea Radrizzani offered to use the club’s Elland Road stadium as security for a £26m bank loan which his company, Aser, and a bidding partner, Gestio Capital, intended to use to complete a takeover of Sampdoria.

? @AdamCrafton_ and @PhilHay_

— The Athletic | Football (@TheAthleticFC) June 1, 2023

Për më tepër, Radrizzani nuk ishte i pranishëm në Elland Road fundjavën e kaluar pasi Leeds humbi 4-1 nga Tottenham Hotspur – një rezultat që konfirmoi rënien e tyre në Championship. Në vend të kësaj, ai ishte i zënë duke negociuar një marrëveshje në Xhenova me Massimo Ferreron për të blerë Sampdorian.

Veprimet e manjatit italian kanë mërzitur tifozët e Leedsit, të cilët kanë kërkuar që ai t’ia shesë klubin plotësisht.