Në një bashkëbisedim me shqiptarët në Itali, kreu i PD-së, Sali Berisha nuk kurseu akuzat ndaj kreut aktual të qeverisë, kryeministrit Edi Rama. Sipas Berishës Rama, sot ka më shumë pushtet se Ramiz Alia.
“Ju falenderoj shumë për mendimet që dhatë. Ajo që mund t’u them është se Shqipëria pas 30 vitesh në rrugën e demokracisë është në diktaturë, një diktaturë partiake dhe personale.
Këtë e them sepse sot të gjitha pushtetet kontrollohen nga një person dhe një parti. Sot Edi Rama ka pushtet 10 % më shumë se Ramiz Alia pas shkurtit ’91. Ju them shqiptarëve se në Tiranë është një armik i egër i lirive që garantohen nga ndarja e pushteteve dhe funksionimi i ligjit. Rama ka dhunuar votën e lirë para të gjithë botes”, tha ai.
Discussion about this post