Deputeti demokrat, Ervin Salianji ka reaguar për tensionet në selinë blu, duke thënë se situata është e paimagjinueshme, e bërë për interesat personale të Sali Berishës.
Duke u kollitur dhe me vështirësi, deputeti Salianji tha për News 24 se ata që nxitën dhunë duhet të mbajnë përgjegjësi të plotë për çdo cenim.
“Ka njerëz që janë të plagosur. Ka njerëz të sëmurë. Është një situatë e paimagjinueshme e bërë për interesat personale të një njeriu. Ne po qëndrojmë në zyra të ndryshme. Nuk ka hapësira për të qëndruar të gjithë në një vend. Jemi në zyrat e PD, ishim në një ditë pune. Kjo nxitje dhune, ky qëndrim aty si gjeneral i një ushtrie të vdekur, për të marrë përpara përfaqësuesit më të lartë të PD, deputetët e zgjedhur, është e papranueshme dhe duhet të marrin përgjigjen e merituar dhe të plotë për çdo cenim që është bërë”, tha Salinaji.
Gijotina.com ka arritur të sigurojë një foto ku duken deputetet që kanë dalë jashtë selisë së PD për të marrë ajër të pastër pas gazit lotsjellës, ndërsa shihet Salianji i vendosur të ndalojë uzurpimin e PD.
Discussion about this post