Federata Shqiptare e Futbollit ka reagur sot në lidhje me lajmet që qarkullojnë se ka trefishuar pagat e punonjësve në këto muaj. Përmes një deklarate publike FSHF hedh poshtë akuzat, ndërsa thekson se këto lajme janë publikuar me urdhët të Veliajt, i cili vazhdon të dezinformojë publikun duke sulmuar kështu Federatën.
“Vazhdon fushata e dezinformimit dhe mashtrimit nga gazeta “Panorama”, e dirigjuar nga kryetari i Bashkisë së Tiranës. Përditë, me gjithë përgënjeshtrimet dhe deklaratat e bëra, kjo media joprofesionale dhe e vënë në shërbim të klaneve politike që me patjetër duan të sajojnë diçka, për të bindur opinionin publik se në FSHF ka abuzime, shpërdorime sidomos me fondet, sot ka fabrikuar lajmin e rremë se pagat e punonjësve të FSHF-së janë trefishuar”, thuhet në deklaratë.
Më tutje, bëhet me dije se tabela me pagate punonjësve nuk ka ndryshuar prej kohësh dhe as që bëhet fjalë në ditët e fundit, ndërsa i bëhet thirrje mediave të mos dezinfomrojnë publikon. “Kjo përpjekje qesharake, që i ngjan asaj të një dite më parë pasi si motra e saj “Panorama Sport” në titullin kryesor shkruante “Ceferin nxjerr blof Dukën dhe nuk vjen në Tiranë”, ndërkohë që presidenti i UEFA-s aktualisht ndodhet në kryeqytet për një vizitë, vijoi edhe sot teksa kjo fletushkë joprofesionale tentoi përsëri të godasë, duke dezinformuar dhe gënjyer haptazi.
Federata Shqiptare e Futbollit nëpërmjet zyrës së saj të financës konfirmon për publikun e gjerë se tabela e pagave nuk ka pësuar asnjë ndryshim në këtë periudhë dhe jo më, të trefishohet. I bëjmë thirrje opinionit publik që të mos ndikohet nga dezinformomi i vazhdueshëm dhe i përditshëm i mediave të kapura nga kryetari i Bashkisë së Tiranës”, thuhet në deklaratë. Me sa duket Erion Veliaj nuk ka ndërmen t’i ndaloj përplasjet me FSHF, pavarësisht skandaleve që kanë bërë bujë edhe në mediat ndërkombëtare.
Discussion about this post