Ish-kandidati për kryetar të PD, Fatbardh Kadilli, ka treguar pse nuk mori pjesë në protestën e zhvilluar nga Berisha sot. Kadilli tha se e sheh si gjuhë politike dhe se nuk ka asnjë vlerë mbledhja e njerëzve me autobus. Sipas tij, Berisha kishte tre shënjestra në këtë protestë dhe një ndër ta ishte populli, që Berisha po mundohet t’i bindë se është shpëtimtari i tyre.
“Nuk isha në protestë sepse kam një vlerësim gjuhë tjetër për gjuhën politike. PD bën zborin e vet. Çfarë vlere ka që PD mbledh njerëz me autobus? Përveçse është një gjuhë politike që ne e përdorim për kundërshtarin. Unë nuk i bashkohem një gjuhe politike që ka tre shënjestra.
E para është Basha, e dyta, pak Rama dhe e treta është populli shqiptar për të krijuar idenë e armikut dhe Berisha do bëjë shpëtimtarin. Berisha duhet ta heqë nga veglat e veta këtë”, deklaroi Kadilli. Ndërsa kujtojmë se Kadilli ka marrë pjesë edhe në Kuvendin e thirrur nga Berisha edhe në atë të thirrur nga Basha.
Discussion about this post