Java e 11-të e kampionatit shqiptar do të ezaurohet të premten dhe të shtunën. Kryendeshja e kësaj jave është përballja që do të zhvillohet në “Elbasan Arena” ndërmjet Teutës dhe Vllaznisë. Një ndeshje shumë e rëndësishme dhe baramotër për të treguar forcën e të dyja skuadrave. Skuadra e Laçit luan në të njëjtën ditë pra të premten ndaj Dinamos. Një sfidë shumë delikate për të dyja ekipet.
Të shtunën skuadra e Tiranës udhëton në transfertë ndaj Egntias e cila ditën e sotme njoftoi shkarkimin nga detyra të trajnerit Gugash Magani. Bardheblutë kërkojnë rikthimin tek fitorja e cila mungon në dy ndeshjet e fundit.
Skuadra e Kukësit vjen me moralin e lartë në duelin me Kastriotin, sfidë e cila do të zhvillohet në Kamëz. Verilindorët synojnë suksesin e radhës në kampionat teksa krutanët kërkojnë të reagojnë.
Një tjetër sfidë interesante është ajo ndërmjet Partizanit dhe Skënderbeut. Një sfidë shumë e rëndësishme për të kuqtë që kërkojnë vazhdimësinë.
Të premten:
13:45 Laçi-Dinamo
16:45 Teuta-Vllaznia
Të shtunën:
13:45 Egnatia-Tirana
13:45 Kastrioti-Kukësi
16:45 Partizani-Skënderbeu
Discussion about this post